أخي العزيز 12

...بعد مرور ثلاث أسابيع...

"يلا بسرعة لازم اروح الصالون الزواج بيبدا وأنا ماتجهزت" طلعت أستعجل أبوي وألاقيه جالس يتفرج تلفزيون.. "أول عطيني بوسة و بعدين حوديكي" لازم المفاحسة هادي !! "من أمس وأنا ايش اسوي طول الوقت وأنا أبوس فيك.. يلا يابابا".. "هههههه خلاص اوك يلا مشينا" ..

رحت الصالون خليتها تسويلي تسريحة بسيطة..حنيت يداتي وسويت منكير وبدكير ورجعت للبيت .. لبست الفستان .. هادا الفستان اللي فصلته أف ولاأروع جنااان لونه أزرق ومغطي الركبة والعقد يجنن ألماس ياحلاتي..مناسب مع الاسوار والحلق ..المهم تلبسنا وتجهزنا..

وصلنا القاعة وبدينا نجهز....."الو ابوي ..الوو.. اقولك الدي جي لسه ماجا" ..."كيف لسه ماجا.. ياربي خلاص انا أكلمو " ..الحمدلله جا الدي جي ورتبنا القاعة أحسن ترتيب.. الكوشة كانت مزينة بالورود.. وكرسي كبير عشان العروسة والعريس.. البوفيه فيه من أجمل المأكولات .. اما الكيكة قصة ثانية .. طويلة وعليها الزينة كأي كيكة زواج.. بس خباال تجوع الواحد..

جو الناس وبدى العرس.. من بعيد لمحت اخت خالد و اخت عبدالله (بنات عمي) :$ ... سلمت عليهم .. سولفنا شوية.. وعلى طول كملنا الربشة والهيصة.. وفجأة وأنا أرقص لمحت فوحدة من الطاولات "أمي" .. نعم ايش جابها؟! .. طنشت الموضوع.. نزلت من الكوشة  على أساس بكلم الديجي تبدل الأغنية ولاأشوف أمي ماسكتني تحظني بقوة .. بادلتها الأحظان بما إني مشتاقتلها مرره كتيير.. و نحن فحفلة فموحلوة اني أكون باردة..

وفجأة أسمع صوت زغاريط كلولولوش "ألف الصلاة والسلام عليك ياحبيب الله محمد.." الزين لياليها ريمكس مع لايق عليك الورد ياحنان لايق... وحنان تتمايل بمشيتها وفستانها الروعه يهبل جنااان ماشاءالله وتسريحتها ومكياجها البسيط كله عاكس جمالها ماشاءالله...اخاف محمد لا شافها يتهور...ومرة ثانية  "الف الصلاة والسلام عليك ياحبيب الله محمــد ... كلولووولوووش" ولايق عليك الورد ياحنوونه لايق عاشوو عاشوو كلوووولووش ...

اول ماجلست حنان على الكوشة قمنا مرتبشين كلنا...ونغني ونرقص والسهره ماشية..

اعلنوا دخول العريس انطفت الأنوار وشغلوا أنوار خفيفة وشموع وركزوا الأضواء على العريس والعروس  ..قمنا نحن أهله الف الصلاة والسلام عليك ياحبيب الله محمد كلولولوووووش .. وفتحوا زفة .. هذا القوومر شوفووه.. مبرووك يامبررووك ياهل العررس مبرووك زفوا الولد زفووه... كلولولوووش...زينوا الولد زينوه هنو الولد هنوووه ايوااا كلووولووش...
كل مايمشي محمد يتحرك الضو معاه

ومحمد شااق الابتسامة  .. وصل لعند الكوشة ونحن معاه .. وقف محمد عند حنان وباسها على راسها وجلس جمبها.. ماأعرف اذا اللي شفته صح ولا؟! يمكن تهيأت.. بس كانت عيون حنان مدمعه وتناظر محمد بكره كأنه سوالها شي.. محمد بيموت من الفرح وحنان حزينة وزعلانه  وبعيونها تقول ماباك ماحبك .. طلعنا نسلم على محمد وحنان  وهو بيموت من الفرح.. ياقلبي عليك يامحمد.. تحمد ربها وتشكره وين بتلاقي احد يموت فيها نفس اخويا ! ..

محمد لف وجهه يناظر فحنان واول ماشافها اختفت الابتسامة اللي كانت معبية وجهه .. محمد يفكر بين نفسه ونفسه 'يعني جد هي ماتباني اصلاً ماتحبني..كيف بقدر أعيش معاها؟ لا أنا لازم أشوف حل.. اطلقها وهي بنت..بس خايف ..خايف ماتسلم من كلام الناس.. لازم ألاقي حل' هي أول ماشفته يناظرها لفت وجهها للجهة الثانية...ياحليلك ياأخوي.. وابتسامة العرسان اختفت ووجوهم اعتفست وحالتهم صعبة.. طبعاً أم حنان لاحظت الشي وقالتلهم "ابتسموا بلا فضايح " حاولوا يرسموا ابتسامة.. بس ماقدروا .. قطعوا الكيكة وهم مالهم نفس..

خلص الزواج بعد العشى .. طلع العرسان سيارتهم وتوكلوا.. "الله يوفقكم ويهنيكم" سمعت وحده تقول...

مالذي سيحصل لحنان ومحمد؟ هل سيتفقان أم أن هناك المزيد من المشاكل ستواجهنا؟

تابعوا الجزء الثالث عشر من أخي العزيز...